下个月有两大节日，农历新年同情人节，无论有　男女朋友都要醒醒定定，有就对　好，无就加紧脚步啦！如果唔系就要过完单身情人节之後由年三十比姨妈姑姐四婶六叔审问到初七都未审完。今日想同大家推荐深圳一间网红店，好适合约会、表白、求爱、出Pool，快带你另一半或者心仪人去试啦！

据说人一生会遇到约2920万人，两个人相爱的机率是约千万分之五，多幸运，我遇见了你。一入门口就见到甜到爆炸文字，小编　无欲无求人都觉得少女心爆炸啊！成间铺头以粉、白、金为主调，恋爱感配色加上鲜花、公仔装饰，女仔一入黎就心花怒放，男人肯陪个女仔黎，都知咩事啦！

初樱恋时 ¥42

呢个粉红色心心系店员推荐比小编，外表100分，睇落好似好甜，但出奇地　甜度唔高，最甜系围住心心一粒粒糖珍珠，就好似恋人之间一个个甜蜜回忆；蛋糕外表柔嫩梦幻，内馅蛋糕松软、忌廉幼滑微酸带甜，有种不确定感，但又令人一啖接一啖好想食晒　。个名改得好贴切，食落去真系会连系到初初喜欢上一个人感觉。

拿铁云朵 ¥28

　系分开一杯棉花糖奶同一杯咖啡上，就甘外表已经融化一众女心但小编叫冻饮，咖啡溶唔到棉花糖，要高难度系饮管倒咖啡入去再浸棉花糖落去，比人笑所以记住要叫热饮啊大家，如果唔系就同小编组队坐埋一台啦。Latte唔会甜，大家可以因应喜好溶棉花糖落去调整甜度，都几好饮。

维C大爆炸  ¥26

其实就系柑橘系水果梳打小编自己觉得算几清爽，因为店内仲有好多梦幻饮品所以唔会特别去点呢杯，但同行朋友极度唔喜欢呢杯饮品，饮落好似维他命C丸冲开汽水　，男士慎点。但如果钟意Fresh一口感或者本身就好钟意橙啊桔啊之类，都可以考虑一下。

美艺甜本身系以马卡龙闻名，大家可以一试。呢度唔止有甜品，仲有西餐同分子料理(需预约)评价都不俗，大家记住带埋心上人黎拍下拖啦！

美艺甜马卡龙

地址∶新湖路99号壹方城内B1层

电话∶0755-83382868

　业时间∶11:00-22:00(日至四)；11:00-22:30(五、六)