今日想同大家行河背水塘，河背水塘系香港水塘之中最细一个。河背水塘坐落於香港元朗八乡、锦田河上游，属於大榄郊野公园一部分，自然环境非常优美。

水塘容量50万立方米，S字形十九孔溢洪大坝长157米，高17.4米，属灌溉水塘，主要用作灌溉新界西北的农田。水塘中间有座小岛，四周苍翠树木衬托，环境清幽；附近昆虫鸟类同植物品种非常丰富。

首先大家可以元朗搭71号小巴，於总站河背村落车。

小巴站地图∶

落车之後会见到河背村入口，直行入去就见到车路，向左转沿路向上行，经过烧烤场之後右转，继续向上行就会见到水塘！沿路见到芒草，但小编都系钟意蓝天白云景色多！

  过堤坝可以去河背水塘家乐径绕一圈，家乐径水沿塘而建，全长只有2公里，大约半小时就可以行返出终点凉亭，之後可以原路折返，同样搭返71号小巴返回元朗市区。

呢条路线除开始时候上坡需要少少体力，其馀时间都非常轻松好行，而且沿途有蓝天白云、有芒草，水塘风光又好，放假过黎都唔错架，唔会耗费太多时间同体力！

难易度∶ 只系开头上山时有少少钭路，基本上都非常平缓。

打卡度∶ 锦上路全景，S字型大坝，塘中岛，芒草，天气好可以一网打尽。

设施完善度∶ 途中有烧烤场，洗手间，亦有桌椅、长凳以供休息。

路线地图∶

最後提提大家行山要准备充足，量力而行；最紧要系爱惜香港大自然，自己垃圾自己带走啊！今次郊游习作系　多，我地下次见啦！拜拜！