又系一星期一会穷人食家，今次我地去元朗又新街，同样以50蚊去扫街，睇有咩好食?
串皇
烧牛柳串 $15
呢度系即叫即烧，所以都要等一等，牛柳串好香，好好味。汁好好味，留黎一阵点手抓饼。
亚玉豆腐花
黄豆豆腐花 $9
呢度排晒队，好多人都知呢度豆腐花好好食，小编系拍摄当日重感冒，叫碗热豆花食，好滑好滋润感觉，又唔会太过甜，好好味！
世界第2好味雪糕蜜瓜面包
章鱼烧串 $14
老老实实，小编睇过大家评价後，唔系好想食香港雪糕蜜瓜面包(日本版真好好好味啊！)，但系呢间世界第2好味雪糕蜜瓜面包系有卖热食，今次食 炸章鱼烧串，几特别几好味，大家可以去呢间雪糕蜜瓜面包店买热食，重点系又新街排晒队但过个马路呢度 乜人，唔洗等！
辣之醒
手抓饼(原味) $12
小编梗系唔会同你讲因为我地得返12蚊所以只可以食原味手抓饼啦，咪同大家讲话要留返汁点手抓饼(其实夹埋肉仲正)，大家就可以将成件事变成印度食法，点沙嗲汁食，即刻将本身个手抓饼质感升几倍！
Tags: Homita穷人食家, 元朗狂食
如果你都想分享你美容、时尚、旅行、运动心得，请将投稿文章连同不多於100字个人简介同埋近照一张，电邮到∶ editor@homita.com.hk，文章经小编筛选後更有机会刊登我FB专页，一经入选我会支付相应稿酬，仲唔快来投稿？
Author Information
You May Also Like
