最近小编知道淘大开间MOS Cafe,同平时MOS Burger形象好唔一样,好有日式感觉,等我带大家一齐去试下啦!
今次我地就试呢个樱花汉堡套餐$61,有天 珍珠堡、紫菜风味薯条同樱花特饮。
天 珍珠堡系珍珠入面混入一粒粒藜麦,比想像中更好食,因为藜麦煮得刚刚好,同珍珠米好夹,加上海鲜杂菜天妇罗同巨型虾天妇罗,真系好正啊一定会再返黎食!
樱花特饮加樱花、士多啤梨、牛奶同珍珠,感觉好似珍珠乳酪甘,好清爽好适合同炸物作搭配,珍珠都好有咬口。
小编最钟意就系今次 推出紫菜风味薯条,真系好好食!粗薯条爱好姐必点啊!
另外我地仲叫个自选沙律,有好多选择,大推鸡肉、烟三文鱼同蛋沙律!真系好好食!呢个沙律最特别就系 会撒上SUPERFOOD合桃同藜麦,口感丰富之馀仲好健康,做LUNCH或者下午茶都好好啊
今次我地就饮冰冻野莓鲜奶咖啡同焦糖咖啡,估唔到MOS Cafe咖啡都 好饮!据了解原来MOS Cafe热咖啡系采用即磨咖啡豆,每个星期都会系店铺磨咖啡豆,唔怪之得甘香啦!而冻咖啡冰冻野莓鲜奶咖啡都唔错,唔会好甜,野莓味同淡淡咖啡味混合,女仔必点!
小编偷偷地话你知,现时只要买樱花汉堡套餐,加转以上系列特饮只要$5咋!真心值得一试!
MOS Café九龙湾淘大商场店
电话∶2601 0808
地址∶九龙湾牛头角道77号淘大花园2期淘大商场地下G189号铺
营业时间: 10:0022:00
Tags: Homita为食家
如果你都想分享你美容、时尚、旅行、运动心得,请将投稿文章连同不多於100字个人简介同埋近照一张,电邮到∶ editor@homita.com.hk,文章经小编筛选後更有机会刊登我FB专页,一经入选我会支付相应稿酬,仲唔快来投稿?
Author Information
You May Also Like