歌仔都有得唱，「其实自己一个更开心，只等你讲...」今年既新年同情人节非常接近，过完新年，眨下眼又好想黎到情人节黎。呢个节日绝对同圣诞节、平安夜、倒数一样　难捱，各位单身既朋友谂好到时点渡过未？

＃单身派对

放心啦，我相信你绝对唔系孤单一人。如果你唔想自己一个人渡过情人节　落寞既话，可以约埋一班朋友一齐食饭、唱K、打牌开Party！就算无情人，但我地有权利热热闹闹过情人节！一於约埋成班单身朋友，开返个single party，有得玩、又可以联谊下，话唔定可以创造下次恋爱机会呢

＃做自己喜欢的事

情人节其实都系商人鼓吹消费既日子，既然我地单身可以悭返一笔食饭钱、礼物钱、送花钱，不如将呢金钱花系自己身上，除系投资自己身上，亦算系奖励自己一直以来　辛苦努力工作、生活呢！女生们可以约定个fical、spa、约姊妹去shopping；而男仔就可以去happy hour, 打FIFA, 睇波！老土讲句，爱人之前先爱自己！

＃远离Social media

系呢大时大节远离social media是常识吧！每逢呢「属於」情侣们既节日，打卡放闪就必备既活动之一，烛光晚餐、甜蜜锡锡相、收花、送豪礼乜乜乜，总之一定会有几张影可以触动到你既神经，为免触景伤情，最好可以避免上　多社交网站啦！