系呢个节日入面，红色一定系主角，内地肯德基亦因应推出石榴批，小编有机会北上就梗系唔会错过啦！除石榴批，仲有比利时朱古力雪糕同2杯冬日特饮，等小编同大家报告试食心得啦！
石榴批系今次重点，包装已经充满节日气氛，打开入面系粉红色批，里面有一粒粒好似真石榴粒一样爆爆珠。咬落口唔会太甜，但神奇地会有莓果香味，咬开石榴爆爆珠，口内又会爆开一阵果实香味，大推荐啊！
比利时黑朱古力雪 ，小编叫扭纹杯，上面会有浓厚朱古力酱。虽然扭纹杯只有一半黑朱古力雪 ，但都食得出黑朱古力香浓，小编觉得比港版更胜一筹！朱古力控一定要试试啊！
红豆酒酿饮，一开始小编唔系好敢饮，因为 闻上去系菜乾味道，但估唔到入口又几神奇隐约甜味，不过饮到底就麻麻地，渣真心唔太好食，总结黎讲几值得一试。
恋橙乌龙茶小编系为 个Minion暖手杯而去的，系Minion组成圣诞树啊！好可爱∶）未打开盖都闻到好香橙味，本身觉得橙加热应该好怪，估唔到又系一杯暖入心饮品！唔会太甜都唔会涩，好有冬日味道好舒服！
如果你都想分享你美容、时尚、旅行、运动心得，请将投稿文章连同不多於100字个人简介同埋近照一张，电邮到∶ editor@homita.com.hk，文章经小编筛选後更有机会刊登我FB专页，一经入选我会支付相应稿酬，仲唔快来投稿？
Author Information
You May Also Like
