断食听上去好似好可怕，系一般人眼中唔食野减肥就一定系唔健康。但2016年医学生物学诺贝尔得奖主大隅良典， 就有另外睇法， 『细胞自噬』研究发现，细胞系断营养16小时後会开始自行汰旧换新，或者断食可能有帮助修复细胞、和返老回春功效！
欧美最近就流行起轻断食减肥热潮，普遍分为16/8进食法同52断食法。52断食法听上去比较辛苦，一星期正常食五日，再断食两日。而今次想介绍16/8断食法就比较容易坚持，其实就系每日饮食分配系6-8小时入面完成，另外16小时则不可进食，最轻松就系提早晚餐时间，5点钟前食完早餐，第二朝9点後先食早餐，就可以轻松达成。
呢个方法其实好易跟，如果配合健康食物搭配，好快就可以见效，呢种「间歇性断食法」系健身圈尤其风行，连DJ森美都系靠呢个方法搭配泰拳，3个月瘦20磅，成功减脂增肌。
不过大家记住轻断食减肥唔代表可以放弃早餐，只系将进食间距缩短，比更多时间身体消化，同埋所有减肥方法都要搭配运动先系最有效，减肥之馀要顾及身体健康啊！
Tags: Homita瘦身计
如果你都想分享你美容、时尚、旅行、运动心得，请将投稿文章连同不多於100字个人简介同埋近照一张，电邮到∶ editor@homita.com.hk，文章经小编筛选後更有机会刊登我FB专页，一经入选我会支付相应稿酬，仲唔快来投稿？
Author Information
You May Also Like
