小编成日都同大家介绍深圳大热网红店，多数都系商场、餐厅，今次就想同大家讲下各区有咩靓靓民宿，等大家要去深圳过夜都可以影相影到手软！

#Rachel_Home车公庙/会展中心一房商旅简约公寓

呢间民宿位置非常方便，对面就系KKone，附近有好多好野食，仲好近地铁站，要出去玩好方便。简约装修加上落地窗，系度睇住风景倾住计食早餐真系劲Chill，不过就唔算大，适合2-3人入住。

【Sen’sHome】福田中心区

如果想同男朋友一齐入住，估计唔系个个男友都会接爱粉粉的房间，呢间Sen's Home就以有格调装修为主打，入面仲有香薰蜡烛，点起同男朋友好好享受夜晚啦！交通一样方便，搭一个站就到Coco Park。

【Hi day】超大客厅花园豪宅 

如果系一班人去玩，就可以黎Hi day住，　有3间房、4间浴室，重点系　个客厅真系好大！一班人训觉之前可以聚晒系度倾计食宵夜打机睇电视，而且唔会觉得挤逼。装修都好靓，色彩好鲜明，尤其墨绿色绒梳化，是但影都好有贵族Feel。交通都好方便，附近都好多食肆，不过呢度甘靓小编可以会嗌外卖唔想走落去(其实系懒XD)。

【Hi Day】双阳台花园豪宅 夏威夷风

另一间Hi Day出品，同样都系可以多人入住，同上面唔一样，呢间装修好有热带小岛Feel，成幅墙都画上热带植物图案，仲有小阳台。房间都装修得好靓，间间都好有特色。

小编自己去深圳都会住Bnb，多数都好乾净，比酒店又更亲切，大家都可以试下！