呢几日真系超级热! 唔好话行山，小编系户外企系度等摄哥哥都已经汗流浃背，所以今次我地唔上山，同大家去上水河上乡，行又得，踩单车亦得，全程平地易入，仲好靓添！

首先可以系上水站A1出口向右走，一路行到路口会见到隔离有条隧道过之後行前少少就可以过马路到对面，再一直向前行，就会见到上水救护站。

系上水救护站执边会有一个红色栏杆，行入去再向前行，好快就会见到水管啦，大家唔好心急爬上去住啊！因为前会会更加美丽。

系度其实就见到东铁驶向罗湖，远处仲见到深圳高楼。再沿石上河向前行，始终呢度都系乡郊地方，好大浸肥料味道，不过风景真系几靓，香港呢地方真系买少见少。

行行下我地就见到近在咫尺深圳，一河之隔，一边系乡村、另一边就系另一个城市商业区。行行下见到对面仲有紫色花海，而河名都变做双鱼河。

见到呢个路口就可以转入去，好多人会系呢度爬上大水管影相，亦都有人会系度捕捉东铁经过一刻影相。

影完相出返路口，再沿路向前行就系河上乡啦！呢度有间「豆美味豆花团」，入面有传说中豆花放题，亦都可以就甘买返支豆浆或者食个豆腐花，呢度豆花好好食架，黎到唔好错过啦！

回程大家可以行返出去，亦都可以系度搭51K小巴出返上水站，小编建议大家如果食得太饱最好就慢慢行返去啦，行返出去上水仲有好多好野食，岩岩好消化完毕！

难易度∶★

全程都系平路，路线亦都唔长。

打卡度∶★★★★

大水管、梧桐河，附近仲有古迹添。

设施完善度∶★★★★★

基本上都系车路，不过无指示牌。

夏天去郊游一定要带水同做足防蚊措施，最好带埋把遮，晒得耐好易中璁架，今次郊游习作系　多，我地下次见啦！