本身今次小编系想同大家由火炭行去大埔，但由於雨後路滑，小编都系唔冒险行泥路，於是就睇住Google Map周围走，误打误撞比小编发现呢个充满花香地方。

我地由火炭港铁站D出口出发，一路沿大路行到尾转左到桂地街花园，继续向前行会见到一个地盘，地盘隔离有条楼梯上，一上去就会见到一排小屋，应该系比地盘工人休息地方。

一路行都听到流水声，可惜一开始路段睇得唔清楚，只系隐隐约约见到有D水冲落山。继续向前行，会经过一条小编都唔知做咩桥，下面明明有路，可能怕暴雨後太多水先起条桥以备不时之需啦！小编见到有个伯伯行入水抖凉，而行上桥就可以俯瞰2边流水，远处就系火炭市区啦。

沿路继续行，会见到一间小白屋，呢度有块指路石标示往大埔，跟住指示上坡上楼梯，呢度都有几多林荫，夏天黎都唔怕晒，上完楼梯呢向旁边望，蓝天白云绿树林真系好靓，由於小编行左好多「怨枉路」先黎到呢度，坐系度抖下望一阵天空先走，对住　蓝天体力都回复得快D。

然後就落楼梯，落到去向右转，行一阵就见到往大埔指示，但由於小编无著到防滑鞋，泥路湿滑，所以都唔冒险行上去啦。於是我地就继续行平路，呢边有好多好靓蝴蝶，仲有蓝蜻蜓，仲好好彩比我地见到蟹仔添!

行多10分钟左右，经过2个小水源，就见到一片白花田，呢度有块牌话块田系私人物业，但小编望落就觉得似野花多D，一朵朵白色花迎风飘香，空气入面全部都系淡淡花香，好舒服啊！再行落去就有栏杆栏住，所以我地就原路折返。

难易度∶★★

要行少少楼梯，多数都系平路。

打卡度∶★★★

有小溪、有蝴蝶，仲有好多唔同花。

设施完善度∶★★★

得入口有公厕，路面铺得好好，不过指示就唔多。

呢度有唐狗出没，不过应该系有人养，怕狗大家要留意。呢条路线唔算长，都无好开扬风景，但见到淙淙流水野花处处，仲会见到好多小生物，大家去放松之馀记住要好好保护　地，唔好乱抛垃圾啊！去郊外地方记住做足防蚊同防晒措施、要适时保充水份，　先玩得尽兴。今次郊游习作系　多，我地下次见啦，byebye！