曾经有人话说青衣系香港美食沙漠，甚至同今日马鞍山有得挥！今日一於同大家踩入青衣，睇下青衣到底有　好食喇。由於小编人生路不熟，唯有系青衣城「　食」，行行就发现 The Story Cafe and Bakery，海洋风装修都几雅致，而且价钱仲好惊喜，加上座位都好阔落，坐得几舒服岩晒同朋友仔食下饭，倾下计。

垂吊著的渔网跟小鱼

今次小编就叫鸡扒芝士铁板饭套餐($58)、铁板慢煮春鸡仔 ($58)、鲜果丛林($62)

鸡扒芝士铁板饭套餐闻落去已经好香，入口味道唔会太浓，而且芝士味都好重，鸡肉口感嫩滑软稔！而且仲有薯仔同其他蔬菜做配菜，整体感觉都唔错呢亦唔洗担心芝士会太腻。

铁板慢煮春鸡仔虽然系半苹，但依然好足料架！仲可以选择黑椒汁或者蒜泥汁添加上烧鸡皮脂肪唔多，而鸡脾都好肉汁，配菜薯角亦卜卜脆。

食完主菜梗系要食返甜品喇，今次就拣左鲜果丛林，系综合水果班戟卷，入面仲有吉士、忌廉添，真系又满足又邪恶！班戟外皮好烟韧，每件班戟卷都有两种水果。

饮品方面就拣蓝橘子柚子梳打($35)、香橙士多啤梨沙冰($38)，同第二款甜品蓝蝶花荔枝慕丝($38)。

蓝蝶花荔枝慕丝超好味！而且粉蓝色好梦幻，卖相超可爱，下层荔枝清甜香软，感觉清新加上口感够滑，而且只系$38蚊绝对试得过。