你知唔知其实香港都有好靓太阳花海？今次我地唔游山玩水，同大家黎到呢个元朗向日葵农场信芯园，一齐黎睇太阳花！

入信芯园最好就搭公共交通工具，我地就拣系锦上路站C出口小巴站搭78号小巴，系石湖围落车，过马路之後就见到信芯园指示啦！沿指示行10分钟以内就到达信芯园，一片片花田满开真系好靓啊！

入口有太阳花卖，40蚊1枝、100蚊3枝，除用黎影相都可以带返屋企做装饰，工作人员表示应该放到一个星期左右，大家都不妨买黎支持下啊！

现场仲有留言版，比大家写底想同老板讲说话，好多人都好支持老板！睇到小编心都好暖啊！

每一行太阳花中间都有条小路比大家走入去，大家入去之前请先知会现场工作人员，　地会带你入田影相。

蓝田白云下花海真系好靓啊！但其实呢向日葵真系唔系　易种，要花好多心力打理架！所以大家要好好珍惜呢片花海，小心唔好破坏到　地啊！

难易度∶

行入去有好多指示，唔怕荡失路。

打卡度∶

香港唯一一片太阳花花海，点可以唔黎影返够本？

设施完善度∶

农场好好心整好多指示，入面都有厕所、有汽水售卖。

大家可以自备少少道具黎影相会更特别！另外乡郊地方好多蚊，大家黎呢度最好喷定蚊怕水！今次郊游习作系　多，我地下次见啦！拜拜！