夏日炎炎，不如就食返香口野返胃口啦！Chicken & Co 主打鸡肉菜式，鸡肉都系选自法国谷饲春鸡。鸡系人道饲养而成，唔单只无加入激素，仲全非基因改造，等大家可以食得放心。

You Are What You Eat！系呢间餐厅主张，除重食物味道之外，食得健康亦系　地关注点。

柠檬百里香炸鸡 $30

呢款炸鸡非常大件，带有一阵香草味道及清新柠檬香气。表皮炸到香脆可口，而内鸡肉就仍然鲜嫩可口，真系无得顶呀！

蒜香蜜糖鸡全翼 $12

呢款鸡全翼表面布满餐厅自制蒜粒，为　带诱人香气。众所周知，蜜糖同鸡全翼系绝配。层层蜜糖未有掩盖蒜香，反而两者互相配合，令鸡全翼香味同味道都锦上添花。

脆鸡粒 配 秘制千岛酱 $26

鸡粒本身已经非常香口，而重点就系　配上秘制千岛酱啦！呢款酱食落酸酸甜甜，当中带有阵阵芝士香味，热天食就相当开胃啦。配上热腾腾鸡粒就简直系完美呀！呢款酱由餐厅自创，仲系夏天先有，所以外面餐厅系食唔到呢种味道咖。

菠萝蜜桃梳打 $18 (套餐升级+$6)

夏天就当然唔少得冰凉梳打啦。微酸菠萝一扫炎热天气带食欲不振，令你可以开怀大食。外面通常会将菠萝切成粒，但呢度就将菠萝片放饮品表面，可见造型特别。而杯身就用摩登设计，带新潮玩味感觉。

本身餐厅以外卖为主，　地提供餐具系以粟米制造，可以自然分解，能够顾及环境。6月30号之後餐厅就加返座位，等大家可以堂食。呢度食物高质之馀，价钱亦相当亲民，唔洗花费太多就体验到真正法式味道啦！

Chicken & Co 
地址∶长沙湾元洲商场地下G01号铺(3468 6990)