最近小编变脆皮乳猪，因为大量　同阳光玩游戏，晒到黑妈妈。虽然系　，但我都系乐此不疲地出去游山玩水，点解？因为夏天浸系海入面实在系太过舒服啦！黑咪黑棉（跪求好用美白产品推介）T^T

今次我地就去呢个精心晒黑路线，半月湾->桥咀，入水晒完上水晒，行山吹乾又落水，听落都流晒口水啊！首先我地系钻石山搭92号巴士到西贡码头，再系码头转街渡入半月湾($40来回，送薯饼换领卷一张)。

一落船就见到超清海水，呢D玻璃水系台风季就买少见少，大家要把握时间啊！半月湾水清沙幼，闲日都有唔少人黎玩水，而且呢度暂时都未见到大家所讲海毛虫身影，大家可以安心玩水。（头盔∶不过都要留意新闻先好去玩，小编去戈日　唔代表以後都　）

今次我仲趁机会试Urban Delay旗下BRONX新产品，真系超级持久，落海水都　问题。

小编自已试完觉得　眼线同粉底最好用，眼线液好好画，２枝都好防水。重点系小编唔小心揩D粉底系大脾，返屋企冲完凉都仲系度，但用卸妆产品轻轻一抹就甩，真系好抵赞啊！

玩完水我地就出发去桥咀，记得冬天时候小编都有同大家介绍过呢个地方。

今次我地系半月湾烧烤场出发，烧烤场隔离有条楼梯，沿路行一个钟左右就到。呢条路线好易行，　大上大落，大多数都铺好石板路径，就算游完水行都唔会。重点系成条路得1.6KM但中间都有唔少休息长椅，无籍口唔行啦！

沿路都见到西贡唔同海湾，有好多小编都未去过，好想去啊！慢慢接近桥咀，就会见到上次小编所讲连岛沙洲，由高处望落去，个岛好似玩具　好的色，仲见到桥头灯塔添！

到达桥咀，呢度沙滩就无半月湾　靓，明显系粗粒沙石，但水一样好清，小编次次黎都会遇到有主人带狗狗黎游水，爱狗你一定要黎，真系好得意架！

留意返因为价钱唔一样，只有半月湾船飞可以系桥咀回程，上船前一定要问清楚船家啊！

难易度∶

落船就系沙滩，山径易行，退潮不防行埋过桥头啊！

打卡度∶

玻璃水已经系无敌，行少少路又有无敌海景，有兴趣仲可以玩浮潜添！

设施完善度∶

两边码头附近有都烧烤场、洗手间同小食亭，不过如果想冲身，呢度水流就真系细（小编系唔冲直接返西贡）

(出卖一下∶摄哥哥了)

最後提提大家行山要准备充足，量力而行；最紧要系爱惜香港大自然，自己垃圾自己带走啊！今次郊游习作系　多，我地下次见啦！拜拜！