今日我地想同大家行卫奕信径第一段，由赤柱行去阳明山庄。呢条路线大上大落，少体力都唔得啊！有做开运动朋友不妨考虑挑战一下！

大家可以系中环大会堂搭6号或6A号巴士，系卫奕信径站落车。远足径第1段起点就在巴士站执边。呢度开始就已经系一大段长石级，一直上楼梯直至到达　岗山。中途有一个观景台，系度可以睇到赤柱同鹤咀半岛。

之後继续沿泥路上坡，到达　岗山第一个山顶，呢段登山径道其实唔算长，但好耗费体力，所以千祈唔好急住行完，到顶就休息一阵，欣赏一下得来不易旖旎风光。之後沿泥路落坡，再登上　岗山第二个山顶。　岗山呢段路真系好考体力，除上上落落，泥路都系耗费力气一点，所以大家一定要做足准备先好挑战。

　岗山落山路系一条陡斜兼大大级楼梯，小编最怕落呢楼梯，比上山更，急降梯级行到脚震震啊！坚持一阵就抵达浅水湾坳，落到去就系时候要上紫罗兰山啦！ 沿石级向上行，上攀往紫罗兰山。紫罗兰山同　岗山需要上升高度其实差唔多，真系体力大考验，如果真系想走可以系再上山前沿紫罗兰山径退出至黄泥涌水塘，千祈唔好太勉强自己啊！

上紫罗兰山途中唔系好多林荫，大家记住做好防晒同好好补足水份，行下抖下，去到最後会越行越好行，斜度放缓，呢度可以睇到大潭笃水塘同大潭中水塘，睇住景慢慢上到紫罗兰山顶。系度可以见到港岛西、港岛北同九龙，最紧要系终点在望，系度就见到终点阳明山庄，最辛苦已经过去啦！

系山顶分岔口右转，依山径下降，一路行至阳明山庄，结束卫奕信径第一段行程。最後大家可以行落少少系黄泥涌峡道搭巴士离开。

难易度∶★★★★

渔农自然护理署系郊野乐行表示呢条路线难度为极费力难行之山径，有大量楼梯、斜坡要上，落山亦因为急降而增加难度，新手不适宜挑战。

打卡度∶★★★

　岗山同紫罗兰山系不同季节都系赏花好去处，沿途可以远眺港岛及九龙。

设施完善度∶★

中途只有一个洗手间，记住自己带水同食物。

好啦小编要同大家坦白其实我系无参与今次郊游，今次行程系摄哥哥完成（拍手），因为小编自问真系无力行晒全段，系度都希望大家系挑战困难路线前要考虑清楚，要量力而行，香港仲有好多郊游好去处，不妨先由简单路线开始挑战∶）最後提提大家行山要准备充足；最紧要系爱惜香港大自然，自己垃圾自己带走啊！今次郊游习作系　多，我地下次见啦！Bye！